Ko'p beriladigan savollar

UMRABOR — umra turlarini bronlash platformasi: veb-sayt, Click Mini App va mobil ilova orqali ishlaydi. Siz paket tanlaysiz, ziyoratchilar maʼlumotini kiritasiz, parvoz va joylashuvni belgilaysiz, Click orqali onlayn toʻlaysiz. Barcha tur-operatorlar litsenziyalangan.

Toʻrt qadam: 1) «Paketlar» boʻlimidan mos paketni tanlang; 2) safarga boradigan ziyoratchilarni qoʻshing; 3) uchish kunini va xona turini tanlang; 4) onlayn toʻlang. Shundan soʻng buyurtma operatorga yuboriladi.

Barcha toʻlovlar Click orqali xavfsiz amalga oshiriladi — boshqa toʻlov usuli yoʻq. Click balansingizdan yoki bogʻlangan kartadan toʻlaysiz. Toʻlov tasdiqlangach buyurtma holati avtomatik yangilanadi.

Buyurtma rasmiylashtirilgach joylar siz uchun 15 daqiqaga band qilinadi. Shu vaqt ichida toʻlov qilinmasa, joylar boʻshatiladi va buyurtmani qaytadan rasmiylashtirishingiz kerak boʻladi.

Toʻlov tasdiqlangach rasmiy fiskal chek (QR) shakllantiriladi. Chek va buyurtma IDsi Click tomonidan beriladi — Click hisobotlarida koʻrinadi.

Yangi — toʻlangan, operator koʻrib chiqmoqda. Jarayonda — operator ishlayapti. Qabul qilindi — tasdiqlandi, vaucherlar tayyor. Tugallandi — safar yakunlandi. Bekor qilindi — buyurtma bekor, toʻlov qaytariladi. Operator odatda 1-3 kun ichida koʻrib chiqadi.

Bekor qilish uchun tur-operator bilan chatda yoki qoʻllab-quvvatlash orqali bogʻlaning. Buyurtma bekor qilinsa, toʻlov Click orqali qaytariladi (odatda 3-5 ish kuni). Qaytarish shartlari operator va safar sanasiga bogʻliq.

Toʻlovdan soʻng buyurtma operator tomonidan koʻrib chiqiladi (1-3 kun). Tasdiqlangandan keyin har bir ziyoratchi uchun alohida vaucher PDF formatida yaratiladi. Ularni «Buyurtmalarim» boʻlimidan yuklab olish mumkin.

Umra safari uchun amaldagi zagranpasport (kamida 6 oy muddatli) talab qilinadi. Zagranpasportni mustaqil rasmiylashtirishingiz lozim. Tayyor boʻlguncha ziyoratchini ID-pasport maʼlumoti bilan qoʻshib qoʻyishingiz mumkin.

Umra vizasi tur-operator tomonidan rasmiylashtiriladi va paket narxiga kiradi. Hujjatlarda muammo boʻlsa, operator siz bilan chat yoki telefon orqali bogʻlanadi.

Mahram — Islom qonuniga koʻra ayol yonida boʻlishi mumkin boʻlgan erkak qarindosh (eri, otasi, akasi, oʻgʻli va h.k.). Tizim xona taqsimotini mahram aloqasiga qarab amalga oshiradi: oila birga, begonalar alohida. Mahramsiz ayol ham band qila oladi — unga ayollar xonasi yoki SGL taklif etiladi.

SGL — 1 kishilik, DBL — 2, TRPL — 3, QUAD — 4 kishilik. Ziyoratchilarni kiritgach tizim mos variantlarni va har birining narxini koʻrsatadi. Xona qancha koʻp kishilik boʻlsa, 1 kishiga narx shuncha arzon.

Katalogdagi narx — «...dan boshlab» koʻrsatkichi. Yakuniy narx tanlangan uchish kuniga, xona turiga va mehmonxonaga bogʻliq. Toʻlovdan oldin yakuniy summa aniq koʻrsatiladi — yashirin xarajat yoʻq.

Siz yaqiningizga umra safarini sovgʻa qilishingiz mumkin: paket turini va safar oyini tanlab, sertifikatni onlayn toʻlaysiz. Sertifikat PDF koʻrinishida beriladi — uni sovgʻa qilib, egasi keyinroq faollashtiradi.

Sertifikat oldindan toʻlangan summani bildiradi. Operator uni aniq paketga aylantirganda, tanlangan sana va xona turiga qarab yakuniy narx sertifikat summasidan yuqori boʻlishi mumkin — farqi qoʻshimcha toʻlanadi.

Buyurtma sahifasidagi «Chat» tugmasi orqali tur-operator bilan bevosita yozishasiz. Umumiy savollar uchun profildagi «Qoʻllab-quvvatlash» chatiga yozing — biz javob beramiz.

Telefon raqamingizni kiritasiz va SMS orqali 6 xonali tasdiqlash kodi keladi. Kod kelmasa: raqam toʻgʻriligini tekshiring, 60 soniyadan soʻng qayta yuboring. Koʻp marta urinish vaqtincha bloklanishiga olib keladi.

Saytdagi «Hamkor boʻlish» formasini toʻldiring: kompaniya maʼlumotlari va litsenziyani yuklang. Jamoamiz hujjatlarni tekshirib, siz bilan bogʻlanadi. Tasdiqlangach oʻz paketlaringizni joylashtirishingiz mumkin.